【李八方online】「香港黑警」Facebook Like數一晚破16萬 「香港警察」跌至28萬
蘋果日報 2020/03/10 18:36
facebookSurface香港警察抗暴之戰香港黑警
「30萬，thx！」我最期待的畫面出現了.jpg。
自詡忠誠勇毅的「香港警察」官方Facebook專頁，用4年多時間才自稱累積了30萬Like，反觀網民惡搞警方的「香港黑警」Facebook page一晚就成就解鎖。噚日朝10點半「香港警察」官方Facebook專頁就出咗一個呃嬲post，公告天下，like數有30萬，目標係達至「300萬，thx！」甚至「3,000萬，thx！」可惜呢個post出咗之後，即引來「unlike」潮，由「30萬，thx」跌到依家得28萬。
經常被網民譏笑出post用錯meme嘅克警，可能幕後操盤小編係再次出山嘅退休警，電光火石間未掌握到「3萬，thx」之精髓，成為亂用「我最期待的畫面出現了.jpg」後另一經典作。反而另一個名為「香港黑警」嘅page，抄考「香港警察」個呃嬲post，目標係由「1萬，thx！」已經迅速飆至「10萬，thx！」，點知唔夠20小時，更加升至「16萬，thx！」
本是同根生……大家都係幫襯朱克伯格咁解，但like「香港黑警」嘅人，升幅遠遠大過unlike「香港警察」個數。「香港黑警」噚日用咗3個幾鐘，已經多咗4萬likes；反而「香港警察」unlike嘅數到依家只係維持兩萬幾，原因好簡單，就好似叫你杯葛CCTVB咁，如果冇睇開又點葛？冇like過又點unlike？
不過長氣都講多次（之前Gphone都講過），就係有啲藍絲page、建制page、維穩page，無論你幾嬲都好，你嘥時間入去洩憤或派嬲、派comment，其實都係無意間推高緊佢嘅觸及率，而按照Facebook演算法，畀嬲嬲同留言會直接增加Facebook推送此post嘅次數。
狙擊建制派文宣，又唔想間接助攻，網民就建議不妨試下cap圖+手動轉。
自詡忠誠勇毅的「香港警察」官方Facebook專頁，用4年多時間才自稱累積了30萬Like，反觀網民惡搞警方的「香港黑警」Facebook page一晚就成就解鎖。噚日朝10點半「香港警察」官方Facebook專頁就出咗一個呃嬲post，公告天下，like數有30萬，目標係達至「300萬，thx！」甚至「3,000萬，thx！」可惜呢個post出咗之後，即引來「unlike」潮，由「30萬，thx」跌到依家得28萬。
經常被網民譏笑出post用錯meme嘅克警，可能幕後操盤小編係再次出山嘅退休警，電光火石間未掌握到「3萬，thx」之精髓，成為亂用「我最期待的畫面出現了.jpg」後另一經典作。反而另一個名為「香港黑警」嘅page，抄考「香港警察」個呃嬲post，目標係由「1萬，thx！」已經迅速飆至「10萬，thx！」，點知唔夠20小時，更加升至「16萬，thx！」
本是同根生……大家都係幫襯朱克伯格咁解，但like「香港黑警」嘅人，升幅遠遠大過unlike「香港警察」個數。「香港黑警」噚日用咗3個幾鐘，已經多咗4萬likes；反而「香港警察」unlike嘅數到依家只係維持兩萬幾，原因好簡單，就好似叫你杯葛CCTVB咁，如果冇睇開又點葛？冇like過又點unlike？
不過長氣都講多次（之前Gphone都講過），就係有啲藍絲page、建制page、維穩page，無論你幾嬲都好，你嘥時間入去洩憤或派嬲、派comment，其實都係無意間推高緊佢嘅觸及率，而按照Facebook演算法，畀嬲嬲同留言會直接增加Facebook推送此post嘅次數。
狙擊建制派文宣，又唔想間接助攻，網民就建議不妨試下cap圖+手動轉。