【新增動新聞】

「山神」阿歷斯山齊士嘅去留問題，仲繼續煩擾緊阿仙奴領隊雲格；據報呢位翼鋒都終於「病完」，周一啟程由智利返倫敦，不過唔知係特登定係冇心，就喺法國巴黎停一停，眾所周知巴黎聖日耳門想買佢，同尼馬雙翼齊飛，山神自拍嘅返倫敦相仲帶埋律師去，似乎有心同PSG傾加盟。雖然山神周二飛返倫敦，亦會出席球會練習，不過據英國傳媒報導，山神準備周三同雲格攤牌，申請離隊咁話，PSG或者曼城都等，但求盡快離開冇得踢歐聯嘅阿仙奴。