陳煒（煒哥）、陳嘉桓（Rose）與時裝設計師何國鉦等，今天於灣仔出席高爾夫球賽慈善晚宴，煒哥自言不懂得打高爾夫球，但小時候曾經是籃球及乒乓球校隊，問她當時會否受男士仰慕及追求？她笑說：「通常都係男仔吸引到女仔，男仔做運動，身形都好啲，不過我唔會去球場追男仔。」

提到好友朱晨麗（朱朱）因拍攝另一劇集而撞了《法證IV》補拍的檔期，結果要删減戲份，她說：「我都知佢噚晚ending結婚戲，因為撞咗期拍唔到，都好可惜，冇辦法。」她又指拍攝時非常熱，朱朱曝曬中暑，她有安慰對方，更揚言會煲消暑湯水給她。此時，煒哥更爆朱朱跟何廣沛的「戀事」，她笑說：「佢呢排辛苦，都瘦咗，但呢排有愛情滋潤，瘦得嚟靚。」問她會否妒忌？煒哥說：「佢成日放閃，俾佢閃親。」她又指私下有跟何廣沛一同吃飯，她大讚說：「佢好有禮貌、好乖，會俾朱朱恰，可以畀女仔恰嘅係好男仔。」

另外，Rose指自己最近修身成功，她說：「拍完戲之後做咗10日運動，其中有一日係因為工作做唔到，第10日教練check嘅時候，話我肌肉多咗，係重咗2kg，但係睇落就瘦咗，我冇節食，只係做運動，係一個好開始，手腳都firm咗。」她又笑指長得胖的時候要用駁髮來遮肥肉，現時希望可以繼續瘦身，在夏天穿三點式游泳。

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX