長實（001）上星期突然話計劃為馬鞍山嵐岸拋出一招40年按揭計劃，網友對此好似冇乜好感。甲乙丙丁戌仲辣埋銷售稅話：「樓價高到地產商已經知道需要兩代才可支撐，但另一方面證明樓價唔可能下降，如果唔係，地產商使乜要市民供40年，如果市民再供唔起，可能增加到50或60年供款！
香港政府亦知道呢個問題，因此另找財路開徵銷售稅，如銷售稅成功落實推行，政府更加唔會理一般小市民買唔起樓導致庫房收入減少嘅問題，反正已搵到穩定收入！到時政府一定任由地產商加價！
香港市民自保做法係：盡快買一層樓，兩三代也要住在同一層樓，因到時子孫應該沒有能力買新樓！盡快搵多啲錢，離開香港，到生活指數冇咁高嘅地方住！」

擔心層樓捱唔到

slashdot好似對長實樓啲質素有懷疑：「我怕我捱到40年，層樓都捱唔到......」
MSS酷吏擔心：「40年按揭出籠顯示咗現時樓市價格與市民收入脫了節。搞咁多花臣都冇用，只令人更加唔敢入市。好似日本咁，曾經有一段時期佢哋層樓要供三代人，結果樓市爆煲，跌咗九成。小心，小心。」
popo7就希望年輕買家唔好中計；fwho抵死咁話：「可能遲啲買樓，會叫你交份醫生報告先。」
不過，長實仲未搵到銀行合作，可唔可行仍係未知之數。