拍過劇集《FirstClass》嘅日本女星菜菜緒，今日同松坂桃李、木村文乃等拍檔喺大阪宣傳新劇《Siren》，劇入面佢飾演一個曾經整容嘅陪酒女郎，出道以嚟菜菜緒不時都比人話佢變臉，今次佢咁夠膽接拍一個整過容嘅角色，真係預咗會比人問，今日喺活動上，佢就大方講整容傳聞。

菜菜緒喺結束活動後，面對記者提問時就咁講：「喺網上有好多關於整容傳聞，話我植入人工骨，近排仲話我皮膚整形，減少咗細紋同毛孔，真係好好笑，呢傳聞我當係宣傳嘅一種。」菜菜緒笑住回應，就惹嚟網民話佢個樣變成咁仲死口唔認，po番佢啲舊照出嚟贈慶。