來自香港的Martin因為參加咗HBO舉辦嘅比賽而可以帶埋朋友Spark飛到洛杉磯直擊奧斯卡紅地毯。佢哋亦有去《星聲夢裡人》（La La Land）拍攝場地天文台觀光。問佢哋睇咗幾多套奧斯卡提名電影？Martin表示睇晒已在香港上映的7部候選最佳電影。Martin表示最佳女主角心水是愛瑪史東（Emma Stone），不過佢認為《烈女本色》（Elle）法國女星伊莎貝荷拔（Isabelle Huppert都有好大機會。男主角方面佢就想卡斯亞弗力（Casey Affleck)勝出，但鑑於奧斯卡大會今天提倡洗脫「洗白」指摘，因此丹素華盛頓（Denzel Washington）亦有機。Spark就冇睇晒提名電影，不過佢就希望佢睇過嘅《星聲》男女主角得獎。問佢哋來到奧斯卡現場感覺如何？Martin話：「好唔真實啊成件事，因為細細個都係睇電視，平時番學番工都睇唔到，所以今日喺現場成個感覺及氣氛都好夢幻。」Spark就話：「現場氣氛好熱鬧，多謝Martin我先可以來到奧斯卡。都仲係覺得好難以至信。」Spark表示最想見到上屆影帝里安納度狄卡比奧，而Martin就期待見表演嘉賓Justin Timberlake、愛瑪史東及賴恩高斯寧（Ryan Gosling）。

另外，美國fans想賴恩高斯寧贏影帝，佢哋亦想愛瑪史東奪最佳女主角，好愛《La La Land》，佢亦好欣賞《漫漫回家路》，佢愛戲中的男配角Dev Patel。