旅發局近日以憂聚眾為由，取消今晚除夕倒數煙花匯演，改以加強版「幻彩詠香江」取代。不過，剛剛收到消息，香港市民今晚終於有煙花睇，事關亞視今日下午在FB專頁預告重播2007年大年初二煙花匯演，亞視果然永恆不死！

亞視今日在FB專頁預告：「除夕無煙花睇唔緊要！小編專登搵番豬年（上個）嘅新年煙花匯演畀大家睇。今晚11點幾就可以開住睇倒數！其實小編都係想博大家一笑，希望大家來年繼續身體健康，事事順利！2020亞視繼續陪住您#除夕 #煙花 #新年 #煙花匯演 #ATV」

亞視出post僅4小時，便有逾250個心心、讚和哈哈笑emoji公仔。不少網民留言讚好，「我想睇魚樂無窮重播，事關我十年前睇中左條魚，想見返佢。」、「真心正喎！年年有煙花，今年靠亞視！」、「亞視果然永遠估你唔到，亞視永恆」、「都係煙花啫！」、「果然係良心電視」、「真心欣賞呢個電視台，劇集可以重播幾十次，原來連煙花都得 」、「小編好嘢，我笑了」、「亞視會，永遠都存在~」亞視重播12年前豬年大年初二煙花匯演，由劉錫賢和謝雪心女兒珈穎主持，而珈穎早在10年前已淡出娛樂圈，難怪有網民表示懷念。其實亞視還未熄機時，已試過重播煙花匯演，如今旅發局取消煙花，亞視透過OTT平台趁機重播，果能博得香港市民一笑。

-----------------------------
蝙蝠俠誕生80周年
點擊即睇85頁經典大回顧
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇