香港電視主席王維基今日率領逾60名港視藝員包括廖啟智﹑黃日華﹑黃美棋﹑艾威﹑姜麗文﹑林文龍﹑林嘉華﹑陳錦鴻﹑夏雨﹑石修﹑李璨琛﹑梁小冰等等，出席金鐘萬豪酒店舉行「香港人的開台禮：新活不是生活」嘅港視開台禮，並筵開36席，席上除咗一眾港視藝員外，仲有商戶及廣告商出席支持。

問到智叔今日港視開台感受，佢坦言：「係開網台，有網台都好，一click就睇到，幾方便。不過我就嫌啲廣告多得滯，一個break有幾個咁多。」

記者指多廣告即係多收入，係好事嚟喎，佢話：「恭喜佢（王維基）!希望佢加大製作成本繼續拍劇﹗」

有網民指今早6時收看港視時，訊號不太穩定，智叔則表示：「咁捧場？我9點睇時，可能啲人返哂工，不過網台好彈性，可以夜晚8點睇返，不失一個打破常規做法，不過廣告方面就要配合啲。」

港視開台Timeline：
http://bit.ly/1xPjXK3
（建議以平板或桌上電腦瀏覽）