讀者黃太向本報投訴稱：「香港天氣咁潮濕，啲衫好難乾，所以我一直都有用乾衣機。最近我部買咗兩年左右嘅西門子乾衣機有啲嘈，就叫代理嚟維修，點知個師傅淨係打開機蓋睇一睇，就報價要成三千九百蚊，但我買呢部機時，都係四千蚊左右。」

使用率高加速損耗

幾經磋商，代理商把維修費降至二千六百元，但黃太仍不能接受。她說：「代理商同時又游說我用優惠價二千五百蚊買部新機，令我覺得佢哋根本唔想同人整，情願叫人換新機，無理由部機有啲噪音，就要整成二千幾蚊。後尾我丈夫同部機加啲機油都靜番啲啦！」
西門子家用電器生產商、博西華家用電器發言人李先生則說：「一般乾衣機平均一日用一次，但據了解，黃太嘅使用率就高一倍。另外佢自己加長嘅乾衣機排氣喉，駁口做得唔好，高溫氣體回流，令機件加速損耗。要消除噪音，惟有將已經變形或者磨損嘅機件全部更換。即使黃太冇做保養，我哋都會畀折扣佢，又建議佢用優惠價買過部新機，起碼全機保養會多半年，更化算，希望佢考慮。」
檔案編號︰0330026

選購及使用乾衣機注意事項

1.應選購排氣口設於機背、易於駁排氣喉於窗外的乾衣機。
2.排氣喉應選堅固、不易下塌之金屬喉。
3.氣體式乾衣機要注意通風，使用時把窗戶打開，以免一氧化碳等污染物積聚。
4.選購易於拆除棉絨過濾網的機款，並經常清洗。
資料來源：消費者委員會

服務熱線
電話：29908288
傳真：23702192
電郵：[email protected]