熱刺禮拜六喺英超早場作客以0:1輸俾曼聯，基本上可以話係後衛艾歷迪亞嘅犯錯，因為形同虛設嘅防守，令安東尼馬迪爾幾乎係「掂行掂過」咁滯，就算維頓漢趕到護駕，都係救唔返。不過，熱刺領隊普捷天奴賽後就無怪到艾歷迪亞。

呢位阿根廷籍領隊話：「場波其實勢均力敵，係一場好難踢嘅波。我為球隊所付出嘅努力感到驕傲，最尾十分鐘我哋唔好彩啫。果下係一個犯錯，但佢都係唔好彩。踢波就係會犯錯㗎喇，依家最緊要就係唔好話怪邊個，波係成隊一齊踢嘅，我哋只能夠向前看。呢個唔係去講呢個錯誤嘅時候，我哋犯錯、失波，當然好失望，場波個勢係喺我哋度嘅，所以真係好可惜，但依家只能夠向前看，因為我哋禮拜三就有另一場波要踢。」

--------------------
曼城主力球員已經進駐『BFB CHAMPIONS 2.0』！快啲建立你嘅藍月亮軍團啦！
http://bit.ly/2xrTKGM