蘇球迷撐換主場 自己起個又點睇?
蘇格蘭昆士柏足球咸普頓公園梅里菲特蘇格蘭足總
蘇格蘭國家隊一向都係用咸普頓公園球場踢主場賽事,而原來呢個球場只係蘇格蘭足總向蘇甲球隊昆士柏租用,隨住蘇格蘭足總同昆士柏嘅20年租約到2020年到期,蘇格蘭足總亦考慮緊會唔會為蘇格蘭國家隊搬主場。
有蘇格蘭球迷就為呢件事係網上發起調查,究竟蘇格蘭主場應該係邊好?有份投票嘅2,923位球迷,只有15%贊成繼續留喺咸普頓公園。無他嘅,因為差唔多有一半球迷認為,喺咸普頓睇波,觀眾席距離球場太遠,係好差嘅體驗。而最多球迷支持,有34%球迷投票俾佢嘅,就係位於愛丁堡嘅梅里菲特球場(Murrayfield),呢個球場亦係蘇格蘭欖球隊用緊嘅主場。不過,亦有2成4球迷,認為國家隊應該有自己嘅主場,起個新嘅會係最好。最毋庸置疑嘅,就係所有有份投票嘅球迷都認為,換主場呢單嘢,足總一定要咨詢球迷!
--------------------
球迷一定要知!英超一哥曼城,已經登陸『BFB』!登入即送藍月球星: http://bit.ly/2AAiPDS