當年今日
關於我們

【短片】【副校任命】袁國勇指近3年港情況轉差堅拒趨炎附勢下拜

蘋果日報 2015/07/31 06:00

袁國勇撕裂港大校委會出路副校任命困局

港大校委會成員、港大微生物學系講座教授袁國勇決定辭去校委職務。他指近年有外人不同意校委會決定,亦有外邊不同勢力人士去影響今次事件,認為領袖應將所有矛盾化成為力量找出路,但自己「唔夠叻」,無法找到出路。他解釋以往香港成功在於領袖能夠將中西文化價值匯聚,再轉化成新的力量找到出路,可是近兩三年「香港進入好分裂好撕裂狀態」。

他強調政治力量「周圍都係」,自己一直好希望香港及港大可以「好落去」,希望尋找到出路落實一國兩制、落實匯聚中西文化價值,但現時距離這個方向愈走愈遠,而比他有政治能力的領袖,需要「有勇氣去做,喺個困局度走出嚟」,轉化矛盾尋找生存方向。他指香港大學最大特點是每人都有自己諗法,「係唔會受任何人去左右。我唔會因為邊個有權力,我會趨炎附勢下拜佢,我絕對唔會咁樣,我亦都唔會因為學生衝入嚟,因為咁樣辭職,我亦都唔會咁樣做」。

他稱作為校委一定會支持校委會決定,「校委會最後決定就係我嘅決定」,但自主方面永遠都可以繼續改善,而自己作為講座教授、校委,視維持學術自由為基本責任,可惜無能力以校委身份帶港大走出困局,「一路睇來睇去都搵唔到出路,我覺得應該走」。