韓國男團Super Junior(SJ)成員金希澈，近日正擔任JTBC綜藝節目《認識的哥哥》嘅主持人。於噚晚播出嘅節目中，佢自爆於3年前因誤飲假酒導致視力受損，令粉絲大呼心痛。

噚晚節目有一個以「後悔」為主題嘅環節，希澈分享咗親身慘痛經歷，稱約3年前某次與友人聚會時飲到好醉，之後再去其他地方繼續飲，喺不知情嘅情況下飲咗假酒。希澈坦言：「曾經睇新聞報道，有人唔小心喝咗工業酒精，導致視力下降。以為只會發生喺電視上嘅新聞竟然發生喺我身上，我第二日起身時發現眼前一片模糊，到醫院檢查時被告知1.2嘅視力下降到0.4，同我一齊去飲酒嘅朋友就被送到急症室洗胃。」

希澈表示：「自此之後，每次飲酒前都會先確認酒樽上係咪有許可嘅標籤，確定冇問題先飲落肚。而且唔會飲到醉，只係小酌過下酒癮。」隨後又呼籲其他人要特別留意。

更多韓流，喺晒《娛果》
http://fb.com/appledailyent