當年今日
關於我們

關仁隱事:鹹蛋黃最緊要變臉 - 關仁

蘋果日報 2007/07/22 00:00


公仔箱力捧才子「鹹蛋黃」,佢近排主持嘅節目一個接一個,其實初初睇都有啲新鮮感,不過越睇就越覺得佢作狀,仲變得開始有啲乞觀眾憎㖭。關仁聽聞鹹蛋黃份人好世界仔,好識撈,見到記者就蓮子蓉咁面口,因為佢知道搞好關係,見報率都多啲。
不過鏡頭前後,原來鹹蛋黃係兩個樣,佢成日恃住自己人氣急升,得女高層歡心,有人撐腰,所以對工作人員嘅態度好囂張,成日黑口黑面指生晒,又喺片廠亂發脾氣,佢真係當正自己係當紅炸子雞。鹹蛋黃呢啲性格,如果公仔箱要開套《雙面人》,睇怕佢係男主角適當人選。
Textby關仁