雖然0依家仲係4月，但5月首播嘅韓劇已經開始發功宣傳造勢，好似韓劇《沒關係，這是愛情》男星趙寅成同《善德女王》女星高賢貞佢哋自2005年嘅《春日》後再度合作拍tvN新劇《DearMyFriends》，不過趙寅成今次就以特別出演嘅形式撐同公司兼曾經傳緋聞嘅高賢貞，可謂用行動力撐高賢貞。

今次趙寅成雖然客串，但佢都冇偷懶，仲孖高賢貞飛咗去東歐拍攝，而tvN方面亦已經先後推出5個唔同版本嘅預告片，單睇一幫好戲之人尹汝貞、羅文姬、高斗心、金惠子等好戲之一喺劇中鬥戲已過足煲劇癮。

當中最吸晴自然係趙寅成同高賢貞嘅預告片，佢哋置身於東歐拍攝，預告中已經展示當地美麗嘅景色，而值得留言係趙寅成喺新劇中嘅角色似乎同佢喺《沒關係，這是愛情》一樣，都係叫張宰烈，由於兩齣劇都係由盧熙京編寫，唔知到時趙寅成係唔係喺新劇中來過crossover，將《沒關係》中患有精神分裂嘅張宰烈一角呈現喺《DearMyFriends》中。

《DearMyFriends》將於下月13號首播。