每季後埋單計數，全港過千匹賽駒，梗有一啲好突出嘅數字，例如大熱次數最多、贏馬距離最遠等，畀馬迷茶餘飯後可以回味一下。而係蔡約翰馬房之「首飾多寶」，可以頒個勤工獎畀佢。
眾所周知，「首飾」系馬兵力源源不絕，剛季引入「首飾太陽」三戰逢出必勝，馬主董滿輝攞晒彩不特止，佢連名下舊馬「首飾多寶」都值得攞獎。唔講大家未必會知，八月便轉七歲之「首飾多寶」乃係剛季跑得最多之現役馬，全季共上陣21次，並取得兩勝五位佳績，兩win分別10倍及19倍，威力不限於沙田草地或快活谷草地，甚至沙田泥地亦有入Q紀錄，名副其實跑得又打得兼有分頭，堪稱好使好用。