王灝兒（JW）今日到鰂魚涌一座商業大廈舉行busking，為11月底假伊利沙伯體育館舉行慈善音樂會打響頭炮，活動融合踩單車籌款環節，JW指近期都有划舟健身，原來讀書時期她是運動愛好者，分別擔任過羽毛球及網球校隊，她說︰「我自細每個星期都同父母打網球，不過都係搓波為主，所以未入校隊前完全唔識上手開波，係入咗校隊就學識，而羽毛球就喺大學時打，都有贏過獎，不過當時我同另一位同學打校隊，所以打完單人，就即刻打雙人，每次比賽都好攰。」

現在跟男友拍拖，兩人都熱愛運動，JW說︰「我哋成日打乒乓波，佢打得好利害，係我教練，我哋成日都比賽，輸咗嗰個要罰做20下sit up，當然都係我做得多。」雖然不時運動，但未見JW身形有明顯消瘦，問到是否每次做完運動後，都拍拖去食餐勁？她說︰「我哋食得好clean。」但在場有人誤聽為「食得好癲」，JW即笑說︰「要癲啲運動，食嘢就clean。」原來短時間内，她將會客串拍劇，但未知角色及拍攝詳情，今次是她首嘗拍劇滋味，心情非常期待。

採訪︰馬建華

-----------------------------
【撐學生】
召集有心人 撐學生全年睇《蘋果》
立即按此