李思捷嘅《玩嘢王》坊間反響甚大，話明整蠱節目，當然唔可以話畀人知，所以思捷一直都對外話一早拍完。不過今日有報道話，最後一集其實有林欣彤幫手整蠱區瑞強，林欣彤喺第一集《玩嘢王》畀思捷整蠱，估唔到依家調轉槍頭!

呢集思捷就整咗壇假嘅大專singcon，搵到林欣彤、單立文同區瑞強做評判，個活動喺九展舉行，當日九展貼晒海報真嘅一樣，區瑞強當然不虞有詐。成個故仔就係話，工作人員教成班大專生公佈冠軍時，大叫「Sunny」，不過到時就會宣佈第二個做冠軍，成班大專生就會掟廢紙以示不滿。

而 林欣彤就會同樣做評判嘅單立文及蕭正楠嗌大交扮意見不合，嚇到區瑞強唔知點算。 事後林欣彤被問起，佢只係肯話自己表現好激動，到時要留意!而被整蠱嘅區瑞強就話，識咗思捷好耐，估唔到連佢都玩，又話個節目見佢成晚匿喺後台，以為唔係整蠱佢，以後見到思捷真係要調頭走呀!



逢周五隨《蘋果日報》附送嘅時尚美容雜誌《add》第二期已出版；拎唔到書嘅朋友，可以上番《add》嘅官網 http://hk.add.nextmedia.com/睇番足本網上版，除咗有陳慧琳訪問，仲有好多時裝靚嘢睇！