曾演出韓國人氣育兒節目《超人回來了》嘅男星宋一國同埋三胞胎囝囝大韓、民國、萬歲，一向深受觀眾歡迎，雖然宋一國跟三胞胎已經離開節目，不過宋一國仍不時於Instagram分享三胞胎嘅點滴。繼噚日於Ig公開三胞胎嘅新短片後，宋一國今日就於Ig公開大韓嘅新照，留言表示囝囝真係大得好快。

三胞胎聽日就踏入6歲，宋一國今日於Ig公開大仔大韓嘅新照，留言：「滿6歲前嘅大韓！但係望落似小學三年級，唔好再長大啦。」新相中大韓未有戴眼鏡、眼神堅定地望向鏡頭，相比起演出節目時嘅樣，真係大個咗好多。唔少網民就留言，提前祝三胞胎生日快樂，亦有人表示「大韓好帥啊，跟爸爸宋一國好似」、「大韓確實係宋一國嘅囝囝」等。

更多韓流，喺晒《娛果》
http://fb.com/appledailyent