【郭炳江出獄●足本】感謝與神同行 回家拜祭胞兄炳湘
出獄郭炳江世紀貪污案
接近早上9時半,一頭白髮的郭炳江西裝筆挺步出監獄,上前先擁抱女兒郭曉妍,再攬兒子郭基煇及胞弟郭炳聯,郭炳江向在場等候的傳媒講述出獄心情時,坦言心情好特別好興奮,「昨晚真係瞓唔到」,他感謝主耶穌40個月來在監獄陪伴他一齊度過,「我冇怨恨,呢四年時間,乜嘢情緒都有,有時好擔心,有時好自疚,失望,好掛住屋企人,問吓自己點解搞成咁,好多情緒要克服,唔容易過。神同我一齊行,到尾有恩典,有平安,神都支持我。我感謝我屋企人、郭炳聯、我媽咪對我嘅支持,我個女郭曉妍成日寫信畀我鼓勵我,話畀我聽我兩個孫發生咩事。我好感謝我嘅朋友、同事,兩個牧師喺監獄陪住我,每個星期嚟探我。」
郭炳江又多謝他的兒子郭基煇Adam在他服刑期間,將新鴻基的工作做好,他再三感謝神,坦言出獄後「最想返屋企,攬住我老婆先」;又說會拜祭逝世的胞兄郭炳湘,「佢(郭炳湘骨灰)喺我媽咪屋企之嘛」。
郭炳江表示,暫不會返公司處理業務,「我想唞下先,離開咗公司四年,有好多變化,呢9個月要追番上,睇市場發生咩事,參考其他國家,最新科技如何用於業務上等,好多嘢學同要追上。」他最後寄語年輕人要守法律,「唔好亂做嘢,一入監獄好後悔,千祈唔好做衝動嘢。」他最後在郭基煇及郭曉妍陪伴下,約10時驅車返回深水灣道大宅。
郭炳江因涉嫌串謀公職人員行為失當控罪而於2015年被定罪,並於2017年上訴失敗後繼續服刑。他當時被判禁止出任公司董事5年,所以他出獄後暫時未能重返新鴻基地產任董事。
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM
一頭白髮的郭炳江刑滿出獄,與兒女及胞弟郭炳聯擁抱會傳媒。黃麗英攝