時近季尾，見習生減磅優勢陸續浮現，剛戰（18日）十磅仔陳嘉熙便成功起孖，今戰周三（22日）跑谷草，沒有十磅仔可以用，其次減磅優惠最多的黃俊便大派用場，出馬唔多只有三匹，但實力與狀態兼備。

其中，「活力勇士」連續四仗非冠即亞，大摩棄用潘頓，目的就係貪五磅好使好用，加上後者該場無座騎，心意更加明顯。

第五場四班1650米：預計步速會由「活力勇士」及「紫電明珠」主宰，但計年紀及質素，「活力勇士」任何角度睇都勝一籌，已連續四仗跑入前兩名，近三戰都是快步速下見負，3月初排12檔，中段發力，臨門一步被「兵貴神速」生擒，後駒再出添一冠一亞。前仗遇突然神勇兼受讓七磅的「精彩飛動」，被伏兵所擒無話可說。

上仗「活力勇士」先後被「劍聶風」、「歐洲之星」輪流燒，結果被受讓12磅的「君子承諾」漁人得利，有見及此，今次大摩換見習生減磅絕對順理成章。

「活力勇士」用黃俊，筆者最初都有所疑慮，本身韁口較重難控制，排位朝（20日）最後試跑，見黃俊拖得住造慢時間，最重要做啱每個轉腳流程動作，人馬合拍，跑慣跑熟狀態毋須懷疑，只要頭段搶到主動權，贏面極大。

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
5月21日 10am-11pm
玩《MINI GAME大挑戰》
贏取魚鱻森虱目魚精共20份
https://bit.ly/2WigzsG