當年今日
關於我們

  老董會見議員得把口 - 李八方

蘋果日報 2003/06/15 08:00


特首董建華雖然唔肯見白鴿黨,但係就成日話要同班立法會議員加強溝通,重聲大大話要增加去立法會接受質詢嘅次數,由每年三次加到四次。咁除非佢老哥善忘或者失憶,班議員已經計算緊佢幾時去埋第四次,因為今年嘅會期已經時日無多,到暑假班議員又點會睬你。
數一數,除咗下周四同二十六日嘅星期四之外,之後已經到咗七月最忙嘅時候,重有乜檔期可選?不過,八方聽聞佢老人家又喺度左度右度,都係未決定邊日先係吉日。佢大哥上次喺議事堂教訓民主派,今次又唔知有乜出位嘢想講,可能就係因為未諗掂,要大家多等一會。其實佢連鬧議員「膚淺」都講得出,就冇乜嘢唔敢得罪㗎啦。


傳真︰2623-9278
電郵︰[email protected]