喺90年代，四大天王迷倒萬千少女，到有一日佢哋輪流結婚、生B、成家立室，無獨有偶，佢哋有生B嘅，全部都係生女。

最早嘅係學友，於1996年同羅美薇喺英國註冊結婚，之後先後喺2000年及2005年，誕下大女張瑤華及細女張瑤萱，一眨眼，兩位張小姐已經分別17及12歲，不過學友一向保護家人，甚少俾女兒公開露面。

另一個係劉德華，佢同朱麗倩喺2008年喺拉斯維加斯註冊結婚，其後華仔於2011年於其官網發表《報喜》為題嘅文章，證實老婆懷孕，翌年誕下寶貝女劉向蕙。

黎明雖然已婚，但佢同樂基兒之間並無兒女，而兩人亦已離婚。