姚子羚同胡定欣今早出發去橫店拍《包青天風雲再起》，一去就要差唔多兩個月，胡定欣喺IG留言：「我地去睇櫻花啦!BYESssssss!」之前飽受情傷嘅姚子羚，雖然戴上口罩，不過精神不俗，早前一班胡說八道會好姊妹已為佢哋餞行。

此外，由於胡定欣要出trip，佢提早5日同「豹哥」單立文慶祝生日，豹哥凌晨喺IG貼出合照，相中有胡定欣、陳山聰及女友Apple，寫道：「唔經唔覺今年嘅生日週又開始啦，梗係同班村民慶祝左先啦……」由於豹哥佢哋都係住將軍澳區，所以豹哥被封「將軍澳街坊福利會榮譽村長」。