林建岳女兒林恬兒今晚喺中環出席兒童醫健基金會化妝舞會，支持一位哥倫比亞同學。

林恬兒話佢都想成立個人慈善基金：「好多嘢都支持，作為媽媽，有關小朋友同母親嘢都好支持，最支持環境保育，因為有下一代，希望多啲關注。好反對用膠袋同飲管。」

林恬兒稱，在美國生活多年，已經習慣垃圾分類同環保。佢話知道有啲習慣好難改，好在自己都影響到身邊人改變:「好在老公同一對仔女都畀我影響學識環保，好開心上星期囡囡慶祝生日，可惜囝囝耳仔唔舒服。」又慨歎小朋友大得快。

會唔會再追BB？林恬兒話都有可能。仲講到聖誕會同老爺、奶奶去美國慶祝，之後兩公婆會去南非參加婚禮：「自從小朋友出世之後，呢兩年半未試過二人世界。今次去五日，帶唔到小朋友，所以唔會留太耐，因為都怕唔捨得，每日都會FACETIME。」