【三個粉絲追韓劇】熱播韓劇《任意依戀》男主角申晙暎（金宇彬 飾）是天皇巨星，擁有超多粉絲，連女明星都希望成為他身邊嘅女人。豈料這位大明星，竟然提出要與平凡到極嘅紀錄片導演魯乙（秀智 飾）拍拖！假如你是秀智，是否秒殺答應？

天皇巨星配平凡女生、富有男配窮家女，呢類韓劇劇情都唔新鮮，不過就係因為唔現實，觀眾先有無限FF空間！動主播阿仙、Viu韓劇導賞員Ruby和太成在韓國和香港做FF街頭調查，問題是：「假如你有機會同大明星拍拖...」

一聽到可以同偶像拍拖，受訪者都忍唔住笑出嚟，擺出一副怕羞樣，三位主持心諗：「喂！FF咋喎！使唔使咁開心呀？」不過，受訪者繼續活在幻想世界，幻想要與偶像去旅行、去漢江野餐、玩煮飯仔...等等，清醒啲！話明係大明星，好似劇中嘅申晙暎，脾氣臭到死，點輪到你想點就點？聽清楚條問題是：「假如你有機會同大明星拍拖，係咪佢想點，你都配合？」

中國女生Dana. D(22歲)是男團2PM成員Nichkhun嘅粉絲，毫不猶疑就答：「佢想點就點！」問到是否無底線，Dana. D說：「唔叫我去跳樓就得！」誇到呢...，完全無底線！而另外有兩位中國女生，分別是男團EXO成員燦烈嘅粉絲Pong(19歲)和男團BigBang隊長G-Dragon嘅粉絲Kristie(18歲)，兩人一樣話會完全配合偶像，追問是否One Night Stand都可以時，兩人都笑住回答：「唔介意！」

至於男子組就理性啲，有位自稱X先生嘅受訪者表示喜歡全智賢，問到是否全智賢想點就點，X先生清醒地回答：「唔通話畀佢打，就畀佢打咩！」但是問到可否「攬吓錫吓」，X先生就窒一窒，然後話：「咁佢講到，我無得say no嘅！」至於再追問能否接受One Night Stand，X先生就吞一下口水，笑住話：「我飲醉咗之後先會接受到！」而另一位鍾意少女時代成員允兒嘅龍先生就大男人啲，有霸氣咁話：「應該我想做咩，佢都配合！」

主持：動主播阿仙、Viu韓劇導賞員Ruby和太成
記者及繙譯：卓惠媛 (Joyce)
攝影：陳家文、李錦鏵

《任意依戀》片段由Viu提供：
https://goo.gl/MlUIFc

【三個粉絲追韓劇】
http://hk.apple.nextmedia.com/enews/animation/kfans/