【好sweet！】陳茵媺同陳豪明年結婚7周年 掦言要保持拍拖感覺
蘋果日報 2019/09/12 18:10
高海寧陳茵媺Aimee
陳茵媺（Aimee）、高海寧與陳少霞丈夫李文輝等，今天於金鐘出席意大利文化節活動，以文化大使身份現身的Aimee一身閃片連身短裙亮相，她指生了大仔後及結婚5周年都是去了意大利旅行，而明年7周年亦想到意大利南部一遊，她說：「我哋每年都想有兩個trip，一個係同小朋友去，另一個只係同老公（陳豪），我會叫佢係Romantic trip。」她又謂6月11日剛過了結婚6周年，二人沒有慶祝，因為她一拖三回加拿大放暑假，陳豪則要開戲。至於問到明年便是7周年，可有7年之癢？她笑說：「啋！No no no。我哋要一直保持好似拍拖咁，所以我哋兩個人嘅romantic trip係好重要，有咗3個小朋友後平時出街都係拖小朋友，少時間拍拖，但romantic trip可以單獨拍拖，有新嘅memory，又會揀啲未去過嘅地方。」
提到明天中秋節，Aimee表示會在家中煮飯，小朋友亦有在學校整燈籠，雖然Aimee在加拿大長大，但她表示很注重中國傳統，她說：「雖然我唔識睇中文，我買咗本講嫦娥嘅英文書，講畀小朋友聽，佢哋好鍾意，估唔到大仔都好鍾意，仲話想聽多幾次，佢哋又鍾意中國畫，尤其係個女，佢好鍾意中文，會將啲公仔改個中文名。」
另外，高Ling很喜歡意大利這地方，曾經到過當地兩次，到過羅馬、佛羅倫斯及比薩等城市，她自言下一個目標是到威尼斯，她說：「我好想去佢哋每年二月舉行嘅面具節，之前次次都同工作撞期，你唔覺得好神秘咩？你唔知對方點樣樣，除咗面具可能係靚仔，係好驚喜。」高Ling又笑言男友鄧智偉也愛意大利，若一同到面具節，問她可會扮新娘讓男友捉？高海寧笑說：「唔使，其他裝扮都可以嘅，例如宮廷服。」問她是否可騷逼爆身材？她說：「我比起當地女性只係小兒科。」至於問到可會考慮跟男友於意大利結婚？高Ling笑說：「有機會都唔介意嘅，但我哋還未傾到呢個問題，我覺得意大利品牌嘅婚紗特別靚，所以喺嗰度影婚紗相都唔會意外，我鍾意貼身婚紗，可以突顯線條，一諗起意大利嘅建築物，就諗到浪漫。」
採訪：羅慧敏
攝影：陳慧安
攝影：陳慧安
（攝影：陳慧安）
Aimee指生了大仔後及結婚5周年都是去了意大利旅行。
Aimee一身閃片連身短裙亮相。
高Ling很喜歡意大利這地方，曾經到過當地兩次。