【甜到漏】蕭正楠43歲晒互睥合照放閃 黃翠如讚老公係太陽之子
蘋果日報 2020/03/23 17:15
黃翠如蕭正楠
互聯網圖片
今日是蕭正楠43歲生日，踏入凌晨，黃翠如在社交網貼老公單人相祝福：「我的壽星兒，生日快樂。希望你的豬腳快點消腫，希望你天天繼續笑。祝福這位過份樂觀的太陽之子。」相中的蕭正楠擺出大甫士露燦爛笑容，之前他因拗柴令左腳腫如豬蹄，令老婆十分擔心。
蕭正楠則晒合照放閃，兩夫婦擺出嬲豬表情互睥好鬼馬，蕭正楠留言：「呢個世界上，原來有個小朋友同我阿媽一樣咁緊張我出世嗰日，除咗恭喜之外我都唔知講咩嘢好！恭喜我！#我太太 #winthefish」唐詩詠、吳若希、胡定欣、鍾嘉欣等都留言祝生日快樂，黃浩然更祝他早日做爸爸：「老蕉，有心有力，早日添丁。」蕭正楠抵死回應：「生日唔想講粗口嘢」。
網民都留言羨慕蕭氏夫婦：「甜成咁得唔得㗎羨慕死人咩，希望你哋繼續sweet落去啦！」、「希望你哋可以繼續keep sweet，最緊要一齊身體健康，每一年嘅生日都可以同對方過就最開心。」
蕭正楠日前拗柴變豬腳（互聯網圖片）