成日都話足球戰術會隨住球壇潮流演化，今季大熱陣式當然係3-4-3，唔知以下呢個瘋狂陣式會否喺下季跑出？阿根廷國家隊今晚就會作客新加坡踢友賽，話就話一隊世界排名第2、一隊排157係強弱懸殊，但上場1:0擊敗巴西取得接任後首勝嘅教練森柏奧利，賽前就表明會排出2-3-4-1陣式應戰，得2個後衛咁癲？

喺呢個2-3-4-1陣式中，阿根廷只有法斯奧同馬馬拿兩位中堅，前面就係3位中場阿古拿、碧基亞同伊度亞度沙維奧，前面4位翼鋒/攻擊中場包括迪馬利亞、保羅戴巴拿、蘭仙尼同艾真度高美斯，安祖哥利亞單箭頭掛帥…森柏奧利咁解畫：「球隊嘅防守來自場上10位球員，我哋尋求發展一種講求即時搶斷控球嘅防守戰術，咁樣就可以相當進取地攻擊。」即管睇吓森柏奧利今晚會否兌現承諾，表現呢套嶄新戰術畀大家睇？