韓劇《奇皇后》女星河智苑雖然近日要忙於拍攝MBC劇集《醫療船》，不過仍抽空為吳宇森執導、孖日本型男福山雅治、內地演員張涵予、戚薇等人拍攝嘅新作《追捕》，飛去威尼斯出席於威尼斯影展舉行嘅全球首映活動。

戴上黑超、以連身裙晒腿示人嘅河智苑，今早由韓國仁川機場出發，現身時河智苑笑容燦爛，而且大派心心及揮手，非常風騷。

另外，河智苑噚晚於Instagram公開跟《醫療船》拍檔姜敏赫嘅合照，宣傳2018平昌冬季奧運會。