日本歌姬宇多田光喺2010年時就話要暫停歌唱工作，試下做個普通人，結果佢一抖就休息咗5年，而且其間仲結埋婚生埋仔，早排佢終於都宣佈會回歸樂壇，首先就係主唱4月份開始嘅NHK電視台晨早劇場《TOTO姐姐》主題曲，但原來光妹仲包辦埋夜晚節目主題曲。

今日日本NTV宣佈夜晚播出嘅情報節目《NEWSZERO》，喺4月4日起，就會採用宇多田光嘅新曲做主題曲，因此，無論早上定係夜晚，日本觀眾都會聽到光妹嘅歌聲，而一個歌手喺同期有兩首主題曲，喺日本電視上面都算係罕有，可見大家幾咁期待光妹復出。