【新增保安局回應】

民主黨國際事務委員會主席劉慧卿聯同該會多名成員，今早到英國駐港總領事館，與英國駐港總領事賀恩德（Andrew Heyn）會面近1小時。劉慧卿會後表示，英國政府十分關注香港近日情況，雙方討論了近日香港局勢發展，她建議英國和國際社會應繼續關注香港情況，並繼續發聲支持香港。

劉慧卿表示，今次會面是由民主黨主動提出。她指，會上感到國際社會支持香港，其中一個重要原因，是因為香港集會遊行一向和平，「國際社會都係好支持香港，如果佢哋都係想香港可以好和平去處理呢啲事（社會衝突），佢哋（應該）出聲」。

她續稱，會上她指出香港若要冷靜下來，特區政府就要先回應港人的五大訴求，「呢啲訴求都好合理，而家班人唔係話要搞獨立，呢啲咁合理嘅訴求，點解你（林鄭）唔回應呢？如果仲有啲人火上加油，咁咪更加弊」，她坦言不想任何港人因暴力行為傷亡。

劉又解釋，英國政府和國際社會至今十分關注香港情況，是因為有很多英國公民在港生活，亦有很多英國公司在港運作，香港社會情況對他們有直接影響，「呢個唔難理解，唔通佢出嚟支持你哋個個出嚟掟汽油彈咩？」

她亦從建制派人士處得知，中聯辦早前曾約見過百名建制派人士，聽取他們分享對香港近日爆發連串示威遊行的見解，席間有建制派人士指遊行人士都只是「上唔到樓嗰啲人、失敗者嗰啲人」，部份建制派人士更指遊行人士是「妓女」。劉慧卿坦言，對建制派會上有關言論感到驚訝：「（反送中上街嘅）百幾、二百萬人都失敗啊？你話中央幾無用吖，聽埋晒啲咁嘅說話！」同時亦有與會的建制派朋友向她稱，難以認同會上有關分析，指「班友原來會上講埋啲咁嘅嘢」。

有指香港政府有意實施戒嚴令，劉坦言「咁我相信香港真係玩完」，將給予國際社會極差訊息，「你（政府）話地區性戒嚴，嗰班示威者話自己係水啊！你喺上水戒嚴，佢咪流返去沙田囉！你沙田戒嚴，我咪流返去港島囉！咁你流吓流吓，係咪全港都要戒嚴？所以我覺得真係有無搞錯，真係唔知咩人畀啲咁嘅意見政府」。

而保安局回應有報道指政府正研究頒佈戒嚴令的可行性時稱，關於公眾遊行及集會，政府會繼續沿用現行需通知警方及申請不反對通知書的機制處理，除此之外，沒有其他計劃。

-----------------------------
民陣7.21集會
日期：7月21日（星期日）
時間：晚上7點半
地點：金鐘（具體地點稍後公佈）
-----------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9