噚晚深圳寶安區西鄉鹽田沃爾瑪超市發生斬人案，兇徒喺超巿內人群中揮刀狂斬又放火，最少造成2死9傷，單獨行兇嘅蔣姓兇手已被捕。（新聞連結： http://bit.ly/2vttY3B ）咁啱吳啟華、李思欣同黃竣鋒主演嘅網絡電影《奪命追兇》，原來劇組噚晚喺差唔多時間到達深圳，入住酒店同斬人案超巿同區。

李思欣、黃竣鋒等前晚都留喺酒店，唔敢外出，李思欣今日接受《蘋果》電話訪問，佢話：「噚晚朋友問我，唔知咩事，睇咗即時新聞就嚇一嚇，因為好恐怖成地血，傷者好慘。不過唔我拍嘢都係跟大隊，唔會自己出去。」劇組今日開工，吳啟華扮番醫生，而李思欣係一個局部失憶病人，今日拍攝佢去見醫生，接受催眠治療。