【讚】EU同熱心市民落海救人遇湧浪 感激車長送熱水打氣
救人衝鋒隊東九龍觀塘碼頭墮海EU
45歲男子昨晚於觀塘碼頭橋躉位小便時意外墮海,東九龍衝鋒隊(EU)警員聯同熱心市民落海救人,成功將事主救起送院。有份救人的EU警員今日接受傳媒訪問,坦言救人是警察的職責,讚揚率先落海救人的熱心市民才是真英雄,他又稱上岸後凍得打冷震,幸有車長送上熱水。
東九龍衝鋒隊警員第4小隊警員許聲宇憶述,昨晚他與同伴正在茶果嶺道巡邏,於10點40分接報有人墮海,2分鐘他們即駕衝鋒車趕抵現場。阿宇指當時衝鋒車主管黃穎就,已詢問誰有信心落海救人,阿宇即自告奮勇,於車上已卸下所有裝備,準備好跳海救人。當他們趕至時,見到事主已在離岸15米的水中載浮載沉,而身旁則有一名熱心市民協助拯救,於是阿宇第一時間落海施援。
阿宇指事主身型龐大,目測重約200磅,而且不懂水性,而熱心市民雖然身型較健碩,但都表示「唔夠力」。阿宇著另一名拍檔李年良拋下救生繩穩固位置,「又要照顧市民,又要hold住條繩,係一個考驗。」未幾消防員到場,立即將一截雲梯伸落海面,另外兩名消防亦跳落水協助。阿宇指當時海面昏暗兼有湧浪、增加拯救難度,「我擒咗上雲梯,單手拉住佢(事主),然後另外3個人將佢托上條梯,岸上嘅消防捉到(事主)隻手,即刻抆佢返上岸」,成功救回事主的性命。
加入警隊已10年的阿宇稱,自己與拍擋阿就及阿良已在衝鋒隊合作一年,3人默契十足,「好似一家人咁,公餘時間會一齊做運動」。阿宇又表示,雖然昨晚天氣尚算和暖,惟上岸後冷得牙關打震,幸有巴士司機遞上熱水,令他十分感動。而率先下水救人的熱心男子亦有拍阿宇的膊頭答謝,但阿宇認為對方才是真英雄:「好appreciate佢,為一個唔識嘅人而去拯救,佢比我更加厲害,因為佢喺水入面嘅時間比我更加長……其實係我哋多謝佢先啱,多得佢,先幫墮海嗰位爭取到多2分鐘!」
英勇下海救人的東九龍衝鋒隊第4小隊警員許聲宇(徐雲庭攝)