「不敗拳王」美韋達近排去咗中國玩，仲用1.1萬鎊(約11萬港元）領養咗隻熊貓，將佢嘅名改做「TMT Floyd Mayweather」。「TMT」係美韋達嘅個人品牌，而隻熊貓本身就叫做「毛豆」，有網民就話原本個名好聽啲，唔知大家又點睇?

美韋達去咗北京嘅萬里長城之後，就轉到四川成都嘅大熊貓飼養基地，同啲熊貓玩自拍。雖然美韋達的確係領養咗隻熊貓，但佢唔可以將後者運返美國，只可以攞隻公仔翻屋企。

據英國《每日郵報》報道，美韋達今次嘅中國之行一共使咗200萬鎊（約2000萬港元)，不過對於佢嚟講簡直就係九牛一毛。至於有傳聞話會重出江湖，美韋達就解話:「全部都係假嘅!我嘅退休生活好happy，無論開價有幾高，我都唔會再出嚟打。」

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM