由陳嘉倩、沈殷怡、肥仔@ERROR、練美娟、岑日珈及歐鎮灝擔任主持的Viu TV全新直播節目《娛樂ON AIR》，今晚進行首播，眾人今日在九龍灣錄影廠出席記者會。節目除了論盡娛樂時事話題，主持更會在每集接受不同考驗，包括遊戲、演戲、競食及運動競技等。記者會後，ViuTV在facebook宣佈該節目將會公開招募離職空姐，助他們重投工作。

ViuTV較早前在facebook宣佈全新才藝企劃《娛樂ON AIR：空姐有料》招募離職空姐，《蘋果》致電ViuTV製作部副總裁金廣誠，他承認見到國泰大栽員而有此構思：「做到幾多就幾多，等佢哋有啲出路，其實唔單止空姐、空少都可以參加，招募人數幾多未定，會邀請佢哋喺節目展示佢哋空中工作時應變，例如急救等等技能。」獲招募者全都有酬金，而ViuTV並會邀合適人選加入電視台做幕前工作。

至於記者會上，前主播兼宅男女神「嘉倩BB」現場表演彈古箏，她透露自己考獲6級水平曾教學生，但近年放下而生疏不少。最近有傳嘉倩BB恰新人，她回應說︰「見到報道好無奈，唔係事實唔講咁多，自己不嬲對新人都好客氣，同我合作過嘅人都知道咩事，我不嬲都冇架子。」至於如何與新一代溝通，嘉倩說︰「我都好後生，同朋友、同輩咁相處。」嘉倩BB表示，現在與ViuTV有不少合作，她亦願意接受拍劇新嘗試。

此外，對新節目要求主持每集接受不同挑戰，沈殷怡說︰「佢哋會玩啲我哋最驚嘅嘢，之前開會唔小心講咗自己怕食辣、怕靈探，反而蛇蟲鼠蟻就唔驚。」

-----------------------------

《蘋果》英文版免費試睇： 了解更多

英文版已登錄《蘋果》App，立即 下載/ 更新 ： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！