o靚模同香港小姐同電影角色配音會有乜效果？咪就係鬧劇一場囉！09年港姐袁嘉敏（Candy）同o靚模許穎（Phoebe）齊齊為動畫電影配音，竟然鬧出爭認主角問題。

今日佢ｏ地仲齊齊o係旺角街頭演罵戰鬧劇，先係Phoebe話：「Candy姐係大明星，我只係o靚模，我都係聽電影公司講我為主角配音。」Candy七情上面話：「我諗妳攪錯，我配足兩個鐘頭，妳只得二十幾句對白都叫主角。」

講到尾原來兩個人同樣為一個角色配音，只係Candy聲演來自太空o既公主，而Phoebe就係配同樣角色o係地球變身時o既對白。咁即係兩個都係主角啦，唔好爭啦！