居民黃先生指出，該僭建物位於黃埔街35號A後巷一樓天井位置，本來大厦僭建鐵皮屋對其他住客來說，並沒甚麼太大影響；惟後來他們發現，在該僭建物內，原來住了十多名內地黑工，更放置了許多煮食用具及易燃物品，大大增加火警的機會。
天井堆易燃物
黃先生說：「裏面十幾個都係持雙程證嘅內地人，有啲重已經係逾期居留㖭；全部喺度租床位住，方便喺香港黑市返工；佢哋經常喺度煮食、又喺度食煙；啲煙成日喺間鐵皮屋傳出嚟；天井又有好多木板、天拿水、松節水之類嘅裝修材料；萬一火燭起嚟，真係唔敢想像！」
同樣感到非常擔心的李小姐亦表示，自這僭建物出現後，為居民帶來許多麻煩，「裏面大大話話住咗十幾個單身男人，有時走咗一啲舊嘅，又會有番啲新面口嘅嚟入住；又唔知佢哋乜嘢背景；我哋啲住客出入嗰陣都要好小心、好警惕。」
居民大受威脅
以「提心吊膽」來形容現狀的邱小姐，則盼有關部門正視及加快處理這問題；「我都裝過佢哋入面嘅情況，啲床位係排得好密好迫，而且屋內都有儲存易燃物品；真係隨時會有爆炸嘅危險！」邱小姐估計該批內地人士均來自福建，因她曾多次聽到他們以福建話交談。邱小姐續稱，他們曾向屋宇署投訴反映，雖然近日已接獲該署回覆指，正在跟進有關事件；但他們仍擔心，實際行動不知於何時才會確實執行；有關部門一日未行事，住客便被迫承受無日無之的擔憂及危機