《女人俱樂部》（M Club）飾演少女版許珍妮（張慧儀）嘅賴慰玲（Winki），今年7月宣佈陀B 5個月，好開心咁話係一份好好嘅生日禮物，上個月28號入紙登記註冊結婚，之前佢都講過，話婚禮唔會大搞，只係簡簡單單同朋友食餐飯咁，但原來噚日佢就好低調咁簽咗字結婚喇。

賴慰玲啱啱喺IG貼相宣佈好消息，第一張相就係佢同老公拖住手嘅背面，佢仲話：「餘生請你指教。昨天，在家人的見證和歡樂的氣氛下，我們結婚了！」好多圈中好友都有出席，好似有陳嘉寶、陳瀅、蔡思貝、鄭嘉穎、黃山怡（糖妹）等等，不過就唔見佢貼陳凱琳嘅相，唔知係唔係太忙，所以得鄭嘉穎出席呢？

賴慰玲噚日簽紙結婚，佢今日回覆媒話心情依然興奮。問到人會否補擺喜酒？佢話：「應該唔會喇。（婚紗好靚）係Anjay（陳嘉寶）陪我揀㗎！」