【媽咪無催婚】崔碧珈被姨甥女激起母愛 未婚已諗定生女
蘋果日報 2020/07/13 14:15
崔碧珈
- 崔碧珈身材玲瓏浮凸，拍廣告當然要騷一騷。
- 兩歲姨甥女超級可愛。
- 崔碧珈表示希望將來生女。
- 跟師傅學整月餅。
崔碧珈（Anita）早前和媽咪及姨甥女拍攝月餅廣告，她透露今次廣告會有三個版本，自己負責導演和媽咪及姨甥女那部份，目前正在製作後期，自己都心急看製成品，感覺像等待第一個BB出世一樣。
不過，Anita笑指今次最令她意想不到，是她將一直埋藏着的母愛爆發了出來，更指因為姨甥女的關係，令她有當媽媽的畫面。她說：「雖然係自己姨甥女，但以前工作忙唔會話有好多時間真係喺間屋對住，所以今次做嘢係做就咗一個機會，以前都怕同咁細嘅小朋友溝通唔到，但原來同小朋友一齊真係好開心，佢哋好純真好可愛。」
有指Anita被妹妹爬頭結生B，她笑指自己不心急，因為好喜歡工作，媽咪亦沒有催婚及生B，但承認見到姨甥女這麼可愛，將來都希望生個囡囡。此外，Anita在其中一條廣告片，穿上超緊身紅色裙大騷玲瓏浮凸身材，她笑說：「今次拍廣告食咗好多月餅，之前好擔心著唔落，好彩效果都唔錯！」