【逆境求存】吳日言想追多個B 自嘲生完仔身材不堪入目
蘋果日報 2019/09/24 17:30
吳日言黃芳雯
吳日言（Yan）為開電視飲食節目《30分鐘大放餸》擔任嘉賓，今日在粉嶺錄影節目，Yan和節目主持黃芳雯少女時候認識，互相經歷結婚到生小朋友，至今各有家庭當上媽媽，話題變成湊仔經。
黃芳雯分別經營餐廳、廚房、車房生意作分散投資，Yan近年亦開舖頭賣飯糰，自認不懂理財的她乘機向好友取經。Yan透露飯糰店第三間分店將於旺角開業，在社會氣氛下，位於山頂分店蝕大本，她說：「而家經歷生意低潮期，數字係唔靚，呢個政治環境下遊客減少，山頂凌霄閣分店生意下跌九成，每日得二三百蚊生意，人工皮費都蝕。」
逆巿下在再開第三間分店，Yan說：「之前傾落，呢個情況開舖可能有轉機，本身預計兩年開四間分店，覺得策略係成功，對生意有信心，現今市民喜歡幫襯小店外賣，只是其中一間店舖未如理想。」租金有回落趨勢，可惜旺角店未有受惠減租，Yan說：「而家啲業主好犀利，佢同我講都未開舖，你開咗先啦，其他店都有傾減租問題。」
黃芳雯現時陀B女七個月，湊夠一個好字可以收爐，Yan即笑說：「 Ada（蔡少芬）四十幾歲都生啦，你個樣似生多個。」黃芳雯說：「陀B身型都keep到，但要衡量現今社會財政、土地等好多問題。」Yan一直想追B，她說：「我生一個已經走晒樣，不堪入目，不過都想再追B，我個火都唔知撥得幾衡，但今年較唔啱時間，5月至7月懷孕係最好時機，所以而家要較慢火先，兩夫妻都會照常，到適當時候就較返大火。」
採訪、攝影：卓寶花
吳日言為開電視飲食節目擔任嘉賓，與主持黃芳雯錄影。
Yan和節目主持黃芳雯少女時候認識，今各有家庭當上媽媽，話題變成湊仔經。
Yan一直想追B，她說：「我個火都唔知撥得幾衡，但今年較唔啱時間。」
黃芳雯現時陀B女七個月，湊夠一個好字可以收爐。