【賭馬講呢啲】近排直路外面有得追！變相益咗「肥仔」（妙瞳）
蘋果日報 2019/12/31 19:30
肥仔妙瞳賭馬講呢啲直路外面有得追
12月曾有雨落兼傾向潮濕，或許如此，最近不論草地抑或泥地賽事，締速均較見轉慢。
不過，就算以往出現相若天氣情況，仍是貼內欄一面佔得上風，但這慣常偏差似乎有變，對上兩次谷草夜馬，分別有「加州多寶」、「好好學習」、「超能量」等駒沿途走外叠取得木身在港首捷。
田草又如何？這兩次同樣外叠都掂，上星期有「神火金剛」及「王者再現」直路飛到最出衝贏，剛周日（29日）「蒙古王」全程三叠都捱到第二。
而同類情況更蔓延到泥地，尾場落飛着燈馬「旅遊首席」實力見盡，很難想像能在三班全程外遊仍有第二，而「烽煙四喜」走位相若也是僅敗。
為何香港三條賽道突然會變得「公平」？究竟純屬偶然，定或馬會轉了場地保養手法而大家不知？
按理直路掟出去有得追，對於走位較粗疏及擅騎拉士的騎師比較有利，田泰安及利敬國應可受惠。
其中，田泰安於明日（1月1日）頭場四班1200米，騎衝一段的「肥仔」，應可把握「地利」勝出頭馬。
這匹七歲馬過去三次贏馬均在田草1200米，但最近卻專攻谷草同程，結果直路太短追唔切，明日被對症下藥重返沙田長直路，點都要追。
至於利敬國第六場二班1000米騎「新強勇駿」，田草1000米獨沽一味，剛戰谷草同程走「大彎區」餘勢強勁。
馬房隨即操而不戰，用了個半月等今次跑首本路程，遇上同場快馬多隨時燒乾，「新強勇駿」可望黃雀在後。