「長腿姐姐」萬綺雯(蚊蚊)最近因演出無綫《老表,你好嘢﹗》而人氣急升。
雖然蚊蚊已經42歲兼結埋婚,但仍深受視迷及網民愛戴,皆因除咗42吋長腿係佢金漆招牌外,「防腐」能力超晒班,42歲人喺《老表》其中一集扮學生妹,仲要係好Pure兼有說服力嗰款,再加上佢以前演過「馬小玲」深入民心,非常有觀眾緣,所以好受歡迎﹗
近日就有網友於討論區開Post,將蚊蚊﹑「索腿天后」陳敏之及「長腳蟹」呂慧儀三位42吋或以上美腿女藝人比較一下,睇下大家鍾意邊位靚女對腳多啲,結果嘛?蚊蚊以大比數力壓兩位後輩,果然犀利﹗
如果佢三位可以一齊演戲,即係類似《神探俏嬌娃》嗰類,應該好有睇頭﹗