【6點半體場●今日Read IG】大滿貫後缺動力暫別賽場 俄國17歲「冰美人」陪你過聖誕
俄羅斯花式滑冰梅芙迪娃薩姬杜娃Alina Zagitova冰美人
今日係12月24號平安夜,先預祝大家有個快樂聖誕。耶穌日喺外國人好嚮往嘅熱鬧節日,尤其俄羅斯呢個冰天雪地嘅地方,更加充滿住節日氣氛。俄國出名靚女多,今次要介紹嘅就係17歲花式滑冰「冰美人」薩姬杜娃(Alina Zagitova),識講五國語言尤其鍾意日本文化同狗狗(特別係秋田犬),一齊認識呢位有73萬followers嘅仙氣滑冰女神!
聖誕佳節,薩姬杜娃IG已經有唔少慶祝相,其中佢同愛犬喺聖誕樹前面合照,好溫馨啊。愛狗愛到出晒名嘅佢,喺全球各地尤其日本都有大批粉絲,舊年仲獲得日本首相安倍晉三為佢親手送上一隻秋田犬,安倍仲幫狗狗改名為Masaru,代表「勝利」。唔單止咁,薩姬杜娃嘅日文都係非常了得,識講五國語言嘅佢,幾乎所有IG Post都係用日文、英文同俄文寫。平日佢忙住練習滑冰之外,既要出席廣告代言,又有唔少活動表演邀請,佢現時係運動品牌Puma同化妝品品牌Shiseido代言人。
冰美人唔係淨係樣靚,係滑冰場仲有顯著成就。4歲就開始接觸滑冰嘅佢,舊年喺平昌冬季奧運會擊敗師姐、另一位俄國靚女「野月兔」梅芙迪娃(Evgenia Medvedeva)奪金,今年初仲喺日本崎玉贏埋世錦賽冠軍,連埋之前世青、歐錦賽金牌,17歲嘅薩姬杜娃係史上最年輕達成所有花式滑冰主要賽事都贏到冠軍嘅人物,認真叻叻豬!不過,冰美人早前就宣佈因為缺乏動力要暫停比賽,但佢強調自己唔係退役,會繼續滑冰生涯,只係想重返校園讀書啫!
「冰美人」薩姬杜娃IG: https://www.instagram.com/azagitova/
--------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 --------------------
【撐學生】召集有心人 撐學生全年睇《蘋果》
立即按此 --------------------
《體蘋果》陪你睇波講波
https://www.fb.com/appledailysports