新增回應

38歲嘅葉璇近年轉攻大陸發展，仲識咗個年輕幾歲嘅內地男友「小默先生」，兩人不時晒恩愛，但今年初又鬧反手，感情反反覆覆。

噚日葉璇忽然喺微博放閃，透露今個周末食咗個溫馨浪漫嘅下午茶，並貼上一張自拍照及一名男子下半身相，但就冇透露係邊個。之後佢再發文﹕「真的不明白，為甚麼不肯收貴重的禮物會被怒吼，好了，別生氣了，我收下了。鑽石恒久遠，一顆永流傳……Thank you for everything you’ve done for me（謝謝你為我所做的一切）」見葉璇手上戴上一大隻鑽石戒指，又係冇Tag人同指名道姓，搞到唔少網民都猜測到底呢隻係咪求婚戒，又有人估係咪佢同小默先生好事近？！

葉璇今日仲有豐富嘅早餐，佢話﹕「早上醒來，居然吃到了心心念念的煎餅和豆醬，真細心周到。」真係隔住個Mon都feel到佢同男友好sweet同幸福滿瀉。

葉璇今日回覆《蘋果》澄清與小默先生冇分過手，暗示鑽戒係由男友所贈，佢話﹕「我應該一輩子都不會結婚吧，戀愛很好。」

精選娛聞，喺晒《娛果》 http://fb.com/appledailyent