【冇後顧之憂】王喜指大台唔播《頭條新聞》 令台前幕後更賣力
蘋果日報 2020/03/11 16:21
王喜頭條新聞
王喜近日拍攝港台節目《頭條新聞》中的「驚方訊息」，得到很多巿民的共鳴，但卻觸動警務處處長鄧炳強的神經作出投訴，連帶大台亦拒絕再播映港台節目。
今日王喜在廣播道繼續為《頭》拍攝外景，笑言為讓觀眾有驚喜，不透露拍攝場口。王喜指雖然收到投訴，但沒有收到上頭壓力，反而令大家越做越努力，還表示觀眾不用擔心：「反而少了後顧之憂，按照監製指示，方向冇乜大分別，手法同切入點冇乜改變，大家更努力、更賣力，希望唔好辜負對呢個節目有期望觀眾。」
每星期節目由監製訂主題後，王喜先寫草稿再經過審視，他說：「睇下有啲道理係咪道理啦，再睇吓有冇啲手法再有趣啲，互相配合調較就有定稿，臨場要配合時事觸覺，要新鮮啲，都會將錄影前一日發生嘅事塞入去。」面對社會上每日發生的事，很多有怨無路訴，但他們仍然以幽默手法， 嬉笑怒罵反映社會：「鄧生已示範了佢哋系統入面幽默嗰條線、個門檻，都好幽默，哈哈。喺主題之下將社會唔同事件集合成編，然後用鄧生嗰一種幽默程度同門檻去Tailor made一啲幽默又客氣說話去表達我哋節目。」至於會否擔心被停播，王喜則表示不是他的考慮，深信節目質素高、受歡迎，正常電視台營運者會搶着播。
曾有評論員在節目中覺得港台霸佔其他電視台黃金時段播放，王喜表示要先了解免費電視台牌照、發牌歷史和背景：「了解咗就知用『霸』呢個字眼唔恰當，免費牌照申請當中，知道點解港台嘅節目其他免費牌照電視營運者必需要播，呢個係社會責任。」
採訪、攝影：王連連
（攝影：王連連、YouTube截圖）
王喜今日在廣播道，為《頭條新聞》拍攝外景。