【本報訊】對於長和系重組，老股民坦言超人計數叻，益自己卻未必益到其他小股東。股壇元老、中潤證券主席蔡陳葆心表示，自己有買落「咸豐年代」的長實及和黃，且已轉名持有實物。何時、何價買？已經「耐到唔記得！」對於長和系今次重組，她直言：「唔識睇！但佢哋老闆叻得交關，一定對佢有好處，叻人計過數未必益你投資者。」
蔡陳葆心又道出李嘉誠多年前另一上市公司青洲英泥，當時長期低於資產值看似超值，但成交長期稀疏，最終比市面高價少許便私有化，作為小股東只能無奈接受。重組後會否沽出長和股票？她認為屆時要看情況，如果仍有外資、基金股價應該仲企得穩，該公司始終唔會「執笠」。

股價跌才合併

前大學教授曾淵滄表示，自己分別持有和黃及長實股份，由於持有年期長，所以不會沽貨，但於兩間公司合併後，和黃股東換股比例0.684，因此會出現碎股，不排除個別小股東嫌持有碎股麻煩而沽貨，不排除下周一和黃股價會受壓，他則會視乎情況買入。
持有和黃股份多年的小股東陳小姐質疑和黃股份換股比例只有0.684，為和黃股東製造碎股，而換股比例相對偏低，她指出，和黃在去年9月的時候，股價仍有108元，但公司卻待股價跌至80多元水平將兩間公司合併，對和黃股東不公平。
■記者李嘉麟