香港一代名模劉娟娟，今日下午在上海因患病離世，享年75歲。劉娟娟曾為亞洲小姐做形象總監，而90年亞姐冠軍吳綺莉，聽到劉娟娟病逝感到十分難過。

吳綺莉指當初是劉娟娟帶她入行，她在電話中說：「真係想講句，救命呀！係娟娟帶我入行，係佢叫我選亞姐，我細細個就識佢，當年我入行，10件衫有9件都係佢幫我搵同借畀我。我聽到呢個消息都唔相信，即刻打畀Nelson（張學潤）問……我喺上海生活10幾年，我成日同佢見面，佢帶我去買布造衫，佢真係好有型格好有taste，唔係淨係單單model。我真係唔知講乜好，總之大家好好保重啦！」

另外，作為後輩的馬詩慧，聽到劉娟娟過世的消息感到愕然，她表示：「今年2月有見過佢面，當時係醫院探Kim Robinson做手術，同佢傾偈，完全唔覺得佢病，亦唔覺得佢有暴瘦，今日有朋友話我知佢走咗，好愕然。」提到對劉娟娟印象，她表示：「每一代模特兒有自己風格，佢好有氣派，係unique，係香港模特兒界的表表者，早期最代表性的人物。」