今次遇上這場「最強大雪」，導致交通大混亂，札幌新千歲國際機場一度關閉，300港客遊機河，香港航空及國泰航空連日來21班來往當地航班被迫延誤、轉飛及取消，大批港客滯留機場，兩間航空公司亦捱轟安排失當，一時話上到機，check in咗入晒禁區突然又話飛唔到，乘客需扶老攜幼又出番禁區，有乘客形容情況如「難民」。

問剛於凌晨三時半乘國泰航機返抵香港的李嘉欣可覺得是航空公司失誤？她稱:「我諗係噚日，即係我哋等到第三日嘅時候，到半夜都冇通知上唔上到機，嗰時想瞓喺機場，已經係完全冇位瞓。去到嗰個位係令人好擔心。」

那國泰可有交代為何天氣好轉後仍然飛唔到？嘉欣想了想，說:「其實到好last minute都係唔知發生咩事嘅，咁然後安排上就係冇住宿，第一晚有嘅，但我哋之後想再住嗰度已經冇可能喇，要返機場再等，我哋再諗辦法。每日都諗住天氣好可以飛。」

「頭先聽啲機組人員講，佢哋上咗機，都落唔到機，佢哋都好辛苦。」