王祖藍今日以香港演藝界內地發展協進會秘書長身份，到炮台山出席「香港文化藝術界在粵港澳大灣區的發展機遇」圓桌會議，佢表示希望喺大灣區為演藝界發掘更多機遇：「其實好多時，香港嘅演出未必夠觀眾，我知道有啲舞台劇都只係啱啱歸本，我哋點樣可以將啲觀眾帶嚟香港？我哋又點樣將南方嘅嘢帶上去？好多演唱會喺內地巡迴，但都唔夠紅館咁靚，喺香港睇演唱會又平啲，希望可以多啲文化、演藝嘅旅遊。」

問到現時已經有不少大陸旅客來港睇演唱會？王祖藍說話：「嗰啲係自發性同埋大型嘅，嗰啲中小型演出，如果可能吸引多啲人就好。」

至於大灣區發展會唔會令藝人有政冶包袱？佢認為各處鄉村各處例：「一路都有（發展），唔會今日突然爆出嚟，唔會突然有新政策。」

精選娛聞，喺晒《娛果》
http://fb.com/appledailyent